Ջրային ռեսուրսների համաշխարհային օր. EU4Environment-ն ահազանգում է Ուկրաինայում պատերազմի ազդեցության մասին

Ջրային ռեսուրսների համաշխարհային օր. EU4Environment-ն ահազանգում է Ուկրաինայում պատերազմի ազդեցության մասին

23 Մարտի, 2022

Ջրային ռեսուրսների համաշխարհային օրը՝ մարտի 22-ին, «EU4Environment» ծրագիրն ահազանգ է հնչեցրել ուկրաինական պատերազմի հետևանքով ջրամատակարարման և ջրահեռացման համակարգերի կրած վնասի, ինչպես նաև շրջակա միջավայրի վիճակի վատթարացման մասին, որի վերականգնման համար կարող են տասնամյակներ պահանջվել:

Ուկրաինա ռուսական ներխուժման հետևանքով առաջացած մարդկային սարսափելի տառապանքներից զատ, պատերազմը ոչնչացրել է մոտ 90 միլիարդ եվրո արժողությամբ ենթակառուցվածք, իսկ Շրջակա միջավայրի եվրոպական գործակալությունը նախազգուշացրել է ջրային ռեսուրսների, հողի և օդի մեջ թունավոր քիմիական նյութերի առկայության մասին, որոնք կարող են պահպանվել տասնամյակներ շարունակ:

Ջրի և ջրահեռացման մատչելիությունը մարդու հիմնարար իրավունք է, որը ճանաչվել է ՄԱԿ-ի կողմից 2010 թվականի հուլիսին: Այն տարածքներում, որտեղ ընթանում են ամենաթեժ մարտերը, ջրամատակարարման և ջրահեռացման հասանելիության հարցն առավել մտահոգիչ է, քանի որ այդ իրավիճակները հղի են ջրի միջոցով փոխանցվող հիվանդությունների աճի վտանգով, ինչպիսին խոլերան է, և որոնք հատկապես վտանգավոր են երեխաների համար:

«Այսօր Ուկրաինային անհրաժեշտ է անվտանգ խմելու ջրի անհապաղ հասանելիություն պատերազմի պատճառով մեկուսացված շրջանների համար: Վաղը այն նաև կունենա աջակցության կարիք՝ երկիրը վերականգնելու և վերակառուցելու համար, ներառյալ ջրային ռեսուրսների և շրջակա միջավայրի կառավարումն ու մոնիտորինգը», — ջրային ռեսուրսների համաշխարհային օրվան նվիրված հոդվածում զգուշացնում է EU4Environment-ը (սեղմեք այստեղ՝ ամբողջական հոդվածը կարդալու համար):

Ջուրը և շրջակա միջավայրը առանցքային նշանակություն ունեն մարդու առողջության համար, և այս ոլորտում նույնպես ԵՄ-ն կանգնած է Ուկրաինայի կողքին՝ լուծելու նրա ամենահրատապ կարիքները և աջակցելու երկրի երկարաժամկետ վերականգնմանն ու հետագա զարգացմանը:

1993 թվականից ի վեր ամեն տարի մարտի 22-ին նշվող Ջրային ռեսուրսների համաշխարհային օրը բարձրացնում է 2 միլիարդ մարդկանց իրազեկվածությունը, ովքեր ապրում են առանց անվտանգ ջրի հասանելիության: Ջուրը Եվրոպական միության Արևելյան գործընկեր (ԱլԳ) վեց երկրների՝ Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի հիմնական ակտիվն է, որոնք, սակայն, այդ առումով գտնվում են աճող ճնշման տակ՝ հատկապես կլիմայի փոփոխության պատճառով:

ԱլԳ երկրներին աջակցելու համար՝ լուծելու ջրային ռեսուրսների հետ կապված իրենց խնդիրները, Եվրոպական միությունն այս տարվա հունվարին մեկնարկեց «EU4Environment՝ Ջրային ռեսուրսներ և բնապահպանական տվյալներ» տարածաշրջանային ծրագիրը, որը նպաստում է Արևելյան գործընկերության երկրների ջրային ռեսուրսների կայուն կառավարմանը և ոլորտային քաղաքականության մշակմանը, բնապահպանական վիճակագրության և բաց տվյալների հուսալիությանը:

Իմացիր ավելին

Ջրային ռեսուրսների համաշխարհային օր. ջրային ռեսուրսների խնդիրը պատերազմի ժամանակ՝ Ուկրաինայի օրինակով

Ջրային ռեսուրսների համաշխարհային օր. շրջակա միջավայրի հեռանկարները Արևելյան գործընկերության երկրներում



ԱՌՆՉՎՈՂ ԹԵՄԱՆԵՐ

«ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագիրը վերապատրաստում է Հայաստանի սոցիալական աշխատողներին 
1 Հուլիսի, 2022

«ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագիրը վերապատրաստում է Հայաստանի սոցիալական աշխատողներին 

Ռուսական վերնախավի, վստահված անձանց և օլիգարխների հարցերով աշխատանքային խումբը սառեցրել է պատժամիջոցների տակ հայտնված ռուսաստանցիների 30 միլիարդ դոլարի ակտիվները
1 Հուլիսի, 2022

Ռուսական վերնախավի, վստահված անձանց և օլիգարխների հարցերով աշխատանքային խումբը սառեցրել է պատժամիջոցների տակ հայտնված ռուսաստանցիների 30 միլիարդ դոլարի ակտիվները

«Մեծ յոթնյակի» առաջնորդները հայտարարում են, որ իրենք կուժեղացնեն միջազգային տնտեսական և քաղաքական ճնշումը Պուտինի ռեժիմի և Բելառուսի իշխանությունների նկատմամբ
30 Հունիսի, 2022

«Մեծ յոթնյակի» առաջնորդները հայտարարում են, որ իրենք կուժեղացնեն միջազգային տնտեսական և քաղաքական ճնշումը Պուտինի ռեժիմի և Բելառուսի իշխանությունների նկատմամբ

Երիտասարդները հանուն առողջ և ժողովրդավարական հասարակության. թողարկվել է ԵԵԴ ամսագրի երկրորդ հրատարակությունը
29 Հունիսի, 2022

Երիտասարդները հանուն առողջ և ժողովրդավարական հասարակության. թողարկվել է ԵԵԴ ամսագրի երկրորդ հրատարակությունը

Ժողովրդավարություն այստե՛ղ, ժողովրդավարություն հիմա՛. երիտասարդ եվրոպական դեսպանները միանում են Եվրոպայի խորհրդի դրոշակակիր երիտասարդական միջոցառմանը
29 Հունիսի, 2022

Ժողովրդավարություն այստե՛ղ, ժողովրդավարություն հիմա՛. երիտասարդ եվրոպական դեսպանները միանում են Եվրոպայի խորհրդի դրոշակակիր երիտասարդական միջոցառմանը


Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,