Եվրոպական միության առաջնորդները շնորհավորել են ուկրաինական «Kalush Orchestra» խմբին «Եվրատեսիլ» երգի մրցույթում հաղթելու կապակցությամբ։
Մրցույթի եզրափակիչը կայացավ մայիսի 14-ի լույս 15-ի գիշերը՝ Իտալիայի Թուրին քաղաքում։ Հեռուստադիտողների ճնշող մեծամասնությունը իրենց ձայնը տվեցին Ուկրաինան ներկայացնող ելույթին։ Արևելյան գործընկերության երկրներից եզրափակիչ էին դուրս եկել նաև Հայաստանը, Ադրբեջանը և Մոլդովան։
Եվրոպական խորհրդի նախագահ Շառլ Միշելը շնորհավորել է «Kalush Orchestra»-ին՝ մաղթելով, որ հաջորդ տարի Եվրատեսիլն անցկացվի «Կիևում՝ ազատ և միացյալ Ուկրաինայում»։ Իր թվիթերյան գրառման մեջ նա մեջբերել է խմբի երգի ուկրաիներեն բառերը՝ «Ломаними дорогами прийду я завжди до тебе» («Ես միշտ քեզ մոտ կգամ ոլոր-մոլոր ճանապարհներով»):
«Այս երեկո ձեր երգը շահեց մեր սրտերը», – թվիթերյան գրառման մեջ գրել է Եվրոպական հանձնաժողովի նախագահ Ուրսուլա ֆոն դեր Լեյենը՝ հավելելով. «ԵՄ-ն ձեզ հետ է»։
ԵՄ բարձր ներկայացուցիչ Ժոզեպ Բորելը նույնպես միացել է շնորհավորանքներին՝ գրելով. «Կեցցե՛ երաժշտությունը: Կեցցե՛ Եվրոպան: Слава України (Փա՛ռք Ուկրաինային)»:
Լեյենի գրառումը՝
Միշելի գրառումը՝
Բորելի գրառումը՝
ԵԱԳԾ գրառումը՝
Այլ տեղեկատվական արշավներ:
Հետաքրքրվա՞ծ եք վերջին նորություններով ու հնարավորություններով
Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,