«Երիտասարդ եվրոպական դեսպաններ» ցանցին միանալու համար ընտրվել են ավելի քան 200 երիտասարդներ

«Երիտասարդ եվրոպական դեսպաններ» ցանցին միանալու համար ընտրվել են ավելի քան 200 երիտասարդներ

21 Դեկտեմբերի, 2021

«EU NEIGHBOURS east» ծրագիրը 227 նոր երիտասարդների է ընդունել իր «Երիտասարդ եվրոպական դեսպաններ» (ԵԵԴ) ցանցի շարքեր: Նրանք ընտրվել են 2021 թվականին ԱլԳ երկրներից, ԵՄ անդամ երկրներից և Մեծ Բրիտանիայից ստացված 646 դիմումներից: Ցանցն այժմ բաղկացած է 726 ակտիվ ԵԵԴ-ներից:

Հայտերի գնահատման ինտենսիվ ընտրության ընթացակարգից հետո 42 նոր ԵԵԴ է ընտրվել Հայաստանից, 41-ը՝ Ադրբեջանից, 5-ը՝ Բելառուսից, 28-ը՝ Մոլդովայից, 36-ը՝ Վրաստանից, 45-ը՝ Ուկրաինայից և 30-ը՝ ԵՄ-ից/Մեծ Բրիտանիայից:

Այժմ նորեկները մասնակցում են ԵԵԴ Ակադեմիային, որը նրանց առաջարկում է ուսուցում՝ իրենց առաջիկա դեսպանական առաջադրանքներին նախապատրաստվելու համար: Ակադեմիայի շրջանակներում տեղի է ունեցել բոլոր ԵԵԴ-ների համար նախատեսված «ԱլԳ գագաթնաժողով» խորագրով հատուկ աշխատաշրջան՝ նվիրված Արևելյան գործընկերության առաջնահերթություններին և անցյալ շաբաթ տեղի ունեցած գագաթնաժողովին:

«Երիտասարդ եվրոպական դեսպաններ» (ԵԵԴ) նախաձեռնությունն ապաքաղաքական, կամավորական, կենսունակ հաղորդակցական ցանց է, որը կապում և բարեկամության կամուրջներ է կառուցում Հայաստանի, Ադրբեջանի, Բելառուսի, Վրաստանի, Մոլդովայի, Ուկրաինայի և ԵՄ անդամ երկրների ու Միացյալ թագավորության երիտասարդների միջև։ Ցանցի նպատակն է` բարձրացնել իր արևելյան գործընկեր երկրների հետ ԵՄ համագործակցության մասին իրազեկությունը, ցուցադրել այդ համագործակցության շոշափելի արդյունքները, նպաստել տարբեր թեմաների շուրջ քաղաքական երկխոսությանը, բարձրացնել քաղաքացիական ակտիվության մակարդակը և միասին աշխատել հանուն ավելի լավ ապագայի:

Նոր ԵԵԴ-ների ընդունելությունը տեղի է ունենում տարին մեկ անգամ՝ սովորաբար աշնանը: Հայտերի ընդունման հրավերի և հայտի ձևի մասին տեղեկատվությունը կհրապարակվի այստեղ և կտարածվի «EU NEIGHBOURS east»-ի հաղորդակցական խողովակներով:

«Երիտասարդ եվրոպական դեսպաններ» նախաձեռնությունը ստեղծվել է Եվրոպական միության կողմից 2016 թվականին և մինչ օրս ներգրավել է ավելի քան հազար երիտասարդների:




Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,