Avropa İttifaqı və BMTİP Azərbaycanda peşə təhsilinin tədrisində inklüziv yanaşmanı təşviq edir

Noyabrın 12-də Avropa İttifaqı, Birləşmiş Millətlər Təşkilatının İnkişaf Proqramı (BMTİP) və Peşə Təhsili üzrə Dövlət Agentliyi tərəfindən (PTDA) Azərbaycanda ilk dəfə olaraq peşə təhsili pilləsi üzrə inklüziv tədrisin tətbiqinə dair təlim proqramına start verilib. 

Sözügedən təlim proqramı, Aİ tərəfindən maliyyələşdirilən və BMTİP tərəfindən Peşə Təhsili üzrə Dövlət Agentliyi ilə birgə həyata keçirilən “Gələcək üçün Peşə Təhsili və Təlimi: Azərbaycanda Qabaqcıl Peşə Təhsili Mərkəzlərinin yaradılmasına dəstək” layihəsi çərçivəsində təşkil olunur.

Üçgünlük proqramda Bakı, Gəncə, Şəki, Cəlilabad və Lənkəran peşə təhsil müəssisələrində çalışan müəllimlər, istehsalat təlimi ustaları üçün müvafiq təlimlər keçirilir və sağlamlıq imkanları məhdud olan şəxslər üçün peşə təhsili pilləsində tədris üzrə pedaqoji təlim dəstinin istifadəsi izah edilir.

Daha çox öyrən

Mətbuat üçün açıqlama