ԱլԳ գագաթնաժողով. սեղմեք այստեղ՝ վերջին լուրերի և տեղեկությունների համար

Դեկտեմբերի 15-ին տեղի կունենա ԵՄ Արևելյան գործընկերության (ԱլԳ) 6-րդ գագաթնաժողովը, Բրյուսելում կհանդիպեն ԵՄ և ԱլԳ երկրների առաջնորդները։ Քանի որ գագաթնաժողովի օրը մոտենում է, EU Neighbours east-ի կայքում բացվել է հատուկ էջ՝ https://euneighbourseast.eu/eapsummit/, որտեղ ներկայացված են Արևելյան գործընկերության օրակարգի հիմնական առաջնահերթությունների վերաբերյալ վերջին լուրերը, տեղեկատվությունն ու նյութերը։

ԱլԳ գագաթնաժողովի հատուկ էջը ներառում է բոլոր վերջին լուրերը, յուրաքանչյուր երկրի ազգային առաջնահերթությունները ներկայացնող տեղեկատվական թերթիկներ և անհրաժեշտ նյութեր՝ գագաթնաժողովը լուսաբանող ԶԼՄ-ների համար։ Էջում առկա են նաև պարզաբանող էլեկտրոնային քարտեր հիմնական հարցերի շուրջ. ինչու է գագաթնաժողովը կարևոր, ԵՄ աջակցությունը տարածաշրջանին՝ COVID-19-ի համատեքստում, ինչպես նաև ԱլԳ համար ԵՄ նոր ներդրումային ծրագիրը։

Գագաթնաժողովը կենտրոնանալու է հինգ հիմնական ուղղություններով աջակցման վրա՝ տնտեսություն, կառավարում, շրջակա միջավայր, թվային անցում և հասարակություն: Այս առաջնահերթությունները հիմնված են Եվրոպական հարևանության գործիքի անցյալի ձեռքբերումների վրա՝ հաշվի առնելով նոր մարտահրավերներն ու հնարավորությունները, մասնավորապես՝ կանաչ և թվային անցումը, ինչպես նաև հետհամավարակային վերականգնումը։