ԵՄ–ն Հայաստանում աջակցում է Լեռնային Ղարաբաղի վերջին հակամարտությունից տուժած մարդկանց

Հունվարի 26-ից Հայաստանում Եվրոպական միության պատվիրակության կողմից Երևանի, Կոտայքի, Գեղարքունիքի և Սյունիքի մարզային իշխանությունների հետ ընտրված ընդհանուր 1000 ընտանիք աջակցություն կստանան «Արտակարգ օգնություն Լեռնային Ղարաբաղից տեղահանված ընտանիքներին» ծրագրի միջոցով։

Յուրաքանչյուր ընտանիք կստանա մեկամսյա պարենային և հիգիենիկ պարագաներ: Ծրագիրը ֆինանսավորվում է Եվրոպական միության և իրականացվում՝ Հայկական բարեգործական ընդհանուր միության (ՀԲԸՄ) կողմից:

Հունվարի 25-ին Հայաստանում Եվրոպական միության դեսպան Անդրեա Վիկտորինն այցելել էր ՀԲԸՄ պահեստ, որտեղ բաշխման են պատրաստվում Լեռնային Ղարաբաղի վերջին հակամարտությունից տուժած ընտանիքների համար նախատեսված ծանրոցները։ Այցի ընթացքում դեսպանը շնորհակալություն հայտնեց ՀԲԸՄ-ին և կամավորներին՝ նրանց կատարված աշխատանքի համար:

«Արտակարգ օգնություն Լեռնային Ղարաբաղից տեղահանված ընտանիքներին» ծրագիրը ԵՄ ընթացիկ չորս ծրագրերից մեկն է, որոնց նպատակն է աջակցություն ցուցաբերել Լեռնային Ղարաբաղի վերջին հակամարտության հետևանքով տեղահանված բնակչությանը:

Իմանալ ավելին

Մամուլի հաղորդագրություն