Набор на ментарскую праграму Women in Tech –  запрашаюць ўдзельніц і ментараў(ак) з Беларусі
13 траўня, 2024

Набор на ментарскую праграму Women in Tech – запрашаюць ўдзельніц і ментараў(ак) з Беларусі


Еўрапейскі гуманітарны ўніверсітэт абвясціў чацвёрты набор на бясплатную ментарскую праграму Women in Tech. Праграма будзе доўжыцца 12 тыдняў – з 3 чэрвеня па 25 жніўня.

Праграма скіраваная да жанчынаў з Беларусі, якія працуюць у сферы ІТ не менш за два гады і жадаюць зрабіць прарыў у сваёй кар’еры з дапамогай ментара(кі) і супольнасці. 

Ментарская праграма ад Women in Tech дапаможа жанчынам, якія працуюць у ІТ, лепш зразумець свае кар’ерныя магчымасці, сфармуляваць мэты, распрацаваць канкрэтны план дзеянняў, атрымаць падтрымку супольнасці і знайсці новыя прафесійныя кантакты.

Падчас праграмы ўдзельніцы будуць працаваць з ментарам(кай), абменьвацца досведам і аказваць узаемную падтрымку адна адной у міні-групах, развіваць свае мяккія навыкі падчас семінараў, сустракацца з дасведчанымі спецыялістамі з сектару і браць удзел у нэтворкінгу паміж сябрамі супольнасці.

Праграма таксама запрашае ментараў(ак) – ІТ-спецыялістаў з Беларусі, якія маюць не менш за пяць гадоў досведу працы.

Апошні тэрмін падачы заявак – 20 траўня.

Праект Women in Tech рэалізуецца ў партнёрстве з Цэнтрам гендарных даследаванняў ЕГУ пры фінансавай падтрымцы Еўрапейскага саюзу.

Даведацца больш

Прэс-рэліз 

ДАТА ЗАКРЫЦЦЯ:

20 траўня, 2024

ТЫП МАГЧЫМАСЦІ



САМЫЯ ЧЫТАЕМЫЯ



Цікавіцеся апошнімі навінамі і магчымасцямі?

Гэты вэб-сайт адмініструецца фінансаванай праз ЕС Рэгіянальнай камунікацыйнай праграмай для Усходняга суседства ("УСХОДНЯЕ СУСЕДСТВА ЕС") на 2020-2024 гады. Праграма дапаўняе і падтрымлівае камунікацыйную працу Прадстаўніцтваў ЕС ва ўсходніх краінах-партнёрах і працуе пад кіраўніцтвам Генеральнага дырэктарата Еўрапейскай камісіі па палітыцы суседства і перамоваў аб пашырэнні і Службы знешніх дзеянняў ЕС. Праект рэалізуецца кансорцыумам пад кіраўніцтвам GOPA PACE.


Інфармацыя на гэтым сайце кіруецца Заявай аб абмежаванні адказнасці і Абаронай персанальных дадзеных. © European Union,