EU4Culture абвяшчае конкурс на атрыманне грантаў на мабільнасць для творцаў і прафесіяналаў у сферы культуры з краінаў Усходняга партнёрства

Фінансаваны ЕС праект EU4Culture абвяшчае 2гі па ліку конкурс на атрыманне грантаў на мабільнасць для падтрымкі творцаў і прафесіяналаў у сферы культуры з Беларусі і 3ці па ліку конкурс для краінаў Усходняга партнёрства: Азербайджану, Арменіі, Грузіі, Рэспублікі Малдова і Украіны.

На конкурс прымаюцца заяўкі на стажыроўкі, азнаямленчыя візіты, канферэнцыі, праграмы прафесійнага развіцця, міжнародныя сустрэчы і іншую дзейнасць, што спрыяе абмену ведамі і міжкультурнаму дыялогу.

У конкурсе могуць прыняць удзел творцы або прафесіяналы ў сферы культуры з усіх сектараў культуры. Кандыдаты павінны быць грамадзянамі або сталымі рэзідэнтамі згаданых краінаў і быць старэй за 18 гадоў.

У рамках конкурсу могуць атрымаць падтрымку чатыры тыпы мабільнасці:

1. Кароткатэрміновыя візіты (5-10 каляндарных дзён – да 1500 еўра; 
2. Сярэднетэрміновыя візіты (да 5 тыдняў) – да 3500 еўра;
3. Доўгатэрміновыя візіты (да 12 тыдняў) – да 5000 еўра;
4. Віртуальныя візіты (анлайн-удзел) – да 1000 еўра.

Праекты мабільнасці могуць быць рэалізаваныя ў перыяд з 1 чэрвеня 2023 года па 31 мая 2024 года ў дзяржавах-членах ЕС, краінах-партнёрах ЕС і іншых еўрапейскіх краінах. 

Каб падаць заяўку на атрыманне грантаў на мабільнасць ад EU4Culture, заяўнікі павінны прадставіць план дзеянняў і бюджэт для прапанаванай імі міжнароднай мабільнасці праз партал падачы заявак Інстытуту Гётэ – Goethe Application Portal (GAP).

Апошні тэрмін падачы заявак – 27 сакавіка, 15:00 (па цэнтральнаеўрапейскім часе).

Інфармацыйныя сесіі пра гранты мабільнасці будуць праводзіцца з 16 па 24 лютага праз платформу Zoom. Просьба рэгістравацца загадзя.

Праграма мабільнасці EU4Culture накіравана на садзейнічанне міжкультурнаму дыялогу і абмену ведамі паміж творцамі і прафесіяналамі ў сферы культуры краінаў Усходняга партнёрства. У рамках першага конкурсу грантаў праект EU4Culture падтрымаў праекты мабільнасці 34 творцаў з Беларусі. Яшчэ адзін конкурс будзе абвешчаны да 2024 года. 

Праект EU4Culture рэалізуецца Інстытутам Гётэ (галоўны аператар), Чэшскімі цэнтрамі, Дацкім Інстытутам культуры, Французскім інстытутам у Грузіі. 

Даведацца больш:

Падаць заяўку

Зарэгістравацца на інфармацыйныя сесіі