ЕС выдзеліць 25 мільёнаў еўра на падтрымку грамадзянская супольнасці Беларусі
8 снежня, 2022

ЕС выдзеліць 25 мільёнаў еўра на падтрымку грамадзянская супольнасці Беларусі


Еўрапейская камісія сёння прыняла новую праграму дапамогі на суму 25 мільёнаў еўра для далейшай падтрымкі народу Беларусі. Разам, пасля жорсткага адказу рэжыму на пратэсты супраць сфальсіфікаваных выбараў у жніўні 2020 года, сумарная падтрымка з боку ЕС перавысіць 100 мільёнаў еўра . 

Нядаўна зацверджаная праграма дапамогі “EU4Belarus: падтрымка сацыяльнай устойлівасці і развіцця чалавечага капіталу” накіраваная на падтрымку дэмакратычных памкненняў у Беларусі.

У прыватнасці, размова ідзе пра падтрымку дзейнасці актывістаў грамадзянскай супольнасці па прасоўванні дэмакратычных зменаў і абароне правоў чалавека ў Беларусі, а таксама падтрымку студэнтаў і спецыялістаў у атрыманні доступу да сучаснай якаснай адукацыі, у тым ліку дзякуючы стыпендыям і садзейнічанню кантактам паміж спецыялістамі і арганізацыямі, што находзяцца ў Беларусі і краінах ЕС.

Дзякуючы падтрымцы ЕС, на сённяшні дзень больш за 520 студэнтаў атрымліваюць стыпендыі, а амаль 800 чалавек удзельнічаюць у анлайн-навучанні. Беларусы таксама могуць падаваць заяўку на кароткатэрміновыя прафесійныя абмены, даследчыя стыпендыі і гранты. Новая дапамога дазволіць прафінансаваць яшчэ 450 стыпендыяў, 500 прафесійных абменаў і забяспечыць дадатковыя адукацыйныя магчымасці. 

Дзякуючы гэтай праграме, сумарная падтрымка народу Беларусі ў 2022 годзе перавысіць 30 мільёнаў еўра. Пасля сфальсіфікаваных выбараў у жніўні 2020 года ЕС падтрымаў народ Беларусі пакетам больш за 100 мільёнаў еўра на найпроставую дапамогу ахвярам рэпрэсіяў, грамадзянскай супольнасці, незалежным СМІ, моладзі і студэнтам, малому бізнесу, сістэме аховы здароўя і сферы культуры. 

Даведацца больш:

Прэс-рэліз



Цікавіцеся апошнімі навінамі і магчымасцямі?

Гэты вэб-сайт адмініструецца фінансаванай праз ЕС Рэгіянальнай камунікацыйнай праграмай для Усходняга суседства ("УСХОДНЯЕ СУСЕДСТВА ЕС") на 2020-2024 гады. Праграма дапаўняе і падтрымлівае камунікацыйную працу Прадстаўніцтваў ЕС ва ўсходніх краінах-партнёрах і працуе пад кіраўніцтвам Генеральнага дырэктарата Еўрапейскай камісіі па палітыцы суседства і перамоваў аб пашырэнні і Службы знешніх дзеянняў ЕС. Праект рэалізуецца кансорцыумам пад кіраўніцтвам GOPA PACE.


Інфармацыя на гэтым сайце кіруецца Заявай аб абмежаванні адказнасці і Абаронай персанальных дадзеных. © European Union,