ЕС рашуча асуджае забарону для грамадзянаў Беларусі падаўжаць свае пашпарты за мяжой
12 верасня, 2023

ЕС рашуча асуджае забарону для грамадзянаў Беларусі падаўжаць свае пашпарты за мяжой


Еўрапейскі саюз рашуча асуджае ўказ Аляксандра Лукашэнкі спыніць выдачу пашпартоў беларусам, якія пражываюць за мяжой, заявіў сёння на брыфінгу для прэсы ў Бруселі Петэр Стана, прэсавы сакратар Еўрапейскай камісіі па замежных справах і палітыцы бяспекі.

Новы ўказ, апублікаваны 4 верасня, адмаўляе беларусам, што жывуць за мяжой, у праве карыстацца консульскімі паслугамі (праз дыпламатычныя прадстаўніцтвы Беларусі) для замены пашпартоў, рэгістрацыі нованароджаных дзяцей або афармлення даверанасцяў, у тым ліку з мэтай распараджэння сваёй маёмасцю на радзіме.  

“На жаль, гэта апошняе з шэрагу дзеянняў рэжыму супраць беларусаў у выгнанні, якія былі вымушаныя ўцякаць з краіны, каб уратавацца ад рэпрэсіяў. Гэта спроба прымусіць іх вярнуцца і сутыкнуцца з магчымай помстай з боку рэжыму Лукашэнкі. Гэта яшчэ раз паказвае поўную непавагу рэжыму да фундаментальных правоў сваіх грамадзянаў”, – падкрэсліў Петэр Стана. 

Ён дадаў, што ЕС будзе працягваць “будзе працягваць падтрымліваць беларускі народ у яго імкненні да свабоды і дэмакратыі”.

Адказваючы на пытанне пра магчымае прадстаўленні прытулку беларусам у выгнанні, прэсавы сакратар сказаў, што ЕС неабходна будзе праверыць, якія практычныя наступствы гэты ўказ нясе для грамадзянаў Беларусі, якія на дадзены момант пражываюць у дзяржавах-сябрах ЕС.

Даведацца больш

Прэс-рэліз



САМЫЯ ЧЫТАЕМЫЯ



Цікавіцеся апошнімі навінамі і магчымасцямі?

Гэты вэб-сайт адмініструецца фінансаванай праз ЕС Рэгіянальнай камунікацыйнай праграмай для Усходняга суседства ("УСХОДНЯЕ СУСЕДСТВА ЕС") на 2020-2024 гады. Праграма дапаўняе і падтрымлівае камунікацыйную працу Прадстаўніцтваў ЕС ва ўсходніх краінах-партнёрах і працуе пад кіраўніцтвам Генеральнага дырэктарата Еўрапейскай камісіі па палітыцы суседства і перамоваў аб пашырэнні і Службы знешніх дзеянняў ЕС. Праект рэалізуецца кансорцыумам пад кіраўніцтвам GOPA PACE.


Інфармацыя на гэтым сайце кіруецца Заявай аб абмежаванні адказнасці і Абаронай персанальных дадзеных. © European Union,