Аднаўленне, устойлівасць і рэформы: прыярытэты Усходняга партнёрства пасля 2020 года на карысць усім

Усходняе партнёрства мае на мэце паглыбіць і ўмацаваць адносіны паміж Еўрапейскім Cаюзам, дзяржавамі ЕС і ўсходнімі краінамі-партнёрамі. Яно абапіраецца на прынцыпы інклюзіўнасці і дыферэнцыяцыі, якія прадугледжваюць індывідуальны падыход і пашыранае супрацоўніцтва на аснове стымулаў. Зыходзячы з «20 ключавых вынікаў да 2020 года», Сумеснай заявы ў сакавіку 2020 года і Заключэнняў Савета ў маі 2020 года, ЕС прапанаваў прыярытэты Усходняга партнёрства на перыяд пасля 2020 года. У адпаведнасці з пяццю мэтамі палітыкі гэтыя прыярытэты павысяць устойлівасць краін Усходняга партнёрства дзякуючы інвестыцыям у два кампаненты: інвестыцыі і кіраванне. У гэтым інфармацыйным бюлетэні таксама даецца апісанне новага ключавога элемента супрацоўніцтва – інвестыцыйна-эканамічнага плана. З бюджэту ЕС на яго будзе вылучана 2,3 млрд еўра ў выглядзе грантаў, змешанага фінансавання і гарантый. Гэтыя сродкі падтрымаюць аднаўленне пасля пандэміі і пераўтварэнне эканомік краін Усходняга партнёрства, зробяць іх больш устойлівымі і інтэграванымі.