Заангажаваная моладзь – ключ да моцнай дэмакратыі: Моладзевы форум абмяркоўвае важныя тэмы напярэдадні саміту Усходняга партнёрства
29 лістапада, 2021

Заангажаваная моладзь – ключ да моцнай дэмакратыі: Моладзевы форум абмяркоўвае важныя тэмы напярэдадні саміту Усходняга партнёрства


Больш за 150 моладзевых работнікаў, актыўных маладых людзей і асобаў, якія вызначаюць моладзевую палітыку, з краін Усходняга партнёрства, Еўрапейскага Саюза і дзяржаваў-членаў ЕС узялі ўдзел у 5-м Моладзевым форуме Усходняга партнёрства, які прайшоў анлайн з 23 па 24 лістапада 2021 года.

Форум пад назвай “Удзел моладзі ў дэмакратычных працэсах” быў арганізаваны Славеніяй, якая старшынюе ў Савеце Еўрапейскага Саюза, у супрацоўніцтве з Еўрапейскай камісіяй і Еўрапейскай службай знешніх дзеянняў.

“Заангажаваныя маладыя людзі – ключ да моцнай дэмакратыі, адказнай палітыкі, абароны правоў чалавека і павышэнню ўстойлівасці”, – заявіў на Форуме ў сваёй уступнай прамове міністр замежных справаў Славеніі Анжэ Логар.

Галоўная тэма сёлятняга Моладзевага форуму быў прысвечаная стварэнню інклюзіўнага асяроддзя і належных умоваў для паўнавартаснага ўдзелу моладзі ў дэмакратычных працэсах.

Удзельнікі форуму абмеркавалі будучыню моладзевай палітыкі і вынеслі рэкамендацыі адносна яе ўсебаковага і інклюзіўнага развіцця. Гэта будзе ўнёсак моладзі да дыскусіяў на саміце Усходняга партнёрства, які запланаваны на 15 снежня 2021 года ў Бруселі.

Удзельнікі сеткі “Паслы еўрапейскай моладзі” (YEA) узялі актыўны ўдзел у працах Форуму, падчас якіх былі распрацаваныя рэкамендацыі адносна будучыні моладзевай палітыкі ва Усходнім партнёрстве і стварэння неабходных умоваў для рэальнага ўдзелу моладзі. 

“Я думаю, што ўдзел моладзі ў дэмакратычных працэсах з’яўляецца неабходнай умовай для таго, каб грамадства насамрэч стваралася людзьмі, якія ў ім жывуць, і для іх. Інклюзіўная будучыня немагчымая без разумення таго, што неабходна рэальнае ўцягванне моладзі ў працэсы прыняцця рашэнняў”, – сказала Марыя Пія Напалетана, адна з 27 Паслоў еўрапейскай моладзі, што ўзялі ўдзел у Форуме.

Паглядзець відэа з сесіяў Моладзевага форуму можна на адмысловым сайце.

Даведацца больш:

Прэс-рэліз

Вэб-старонка Моладзевага форуму Усходняга партнёрства



Цікавіцеся апошнімі навінамі і магчымасцямі?

Гэты вэб-сайт адмініструецца фінансаванай праз ЕС Рэгіянальнай камунікацыйнай праграмай для Усходняга суседства ("УСХОДНЯЕ СУСЕДСТВА ЕС") на 2020-2024 гады. Праграма дапаўняе і падтрымлівае камунікацыйную працу Прадстаўніцтваў ЕС ва ўсходніх краінах-партнёрах і працуе пад кіраўніцтвам Генеральнага дырэктарата Еўрапейскай камісіі па палітыцы суседства і перамоваў аб пашырэнні і Службы знешніх дзеянняў ЕС. Праект рэалізуецца кансорцыумам пад кіраўніцтвам GOPA PACE.


Інфармацыя на гэтым сайце кіруецца Заявай аб абмежаванні адказнасці і Абаронай персанальных дадзеных. © European Union,