Стань Паслом еўрапейскай моладзі – падай заяўку да 24 кастрычніка

Праграма «EU NEIGHBOURS east» запрашае маладых людзей з краін Усходняга партнёрства (Азербайджана, Арменіі, Беларусі, Грузіі, Малдовы і Украіны), Еўрапейскага саюза і Вялікабрытаніі* далучыцца да ініцыятывы «Паслы еўрапейскай моладзі» (YEAs).

Калі вам ад 16 да 26 гадоў, у вас добры ўзровень англійскай мовы, вы хочаце спрыяць развіццю і росквіту вашай краіны і гатовыя прысвяціць дастаткова часу грамадскай дзейнасці, – гэтая праграма для вас!

Стаўшы паслом, вы будзеце прадстаўляць моладзь у сваёй краіне і за мяжой, ўдзельнічаць у анлайн- і афлайн-мерапрыемствах па пашырэнні дыялогу. Вы зможаце абменьвацца досведам, абмяркоўваць праблемы моладзі, знаёміцца з перадавымі практыкамі і працаваць дзеля лепшай будучыні сваёй краіны.

Падаць заяўку трэба да 24 кастрычніка 2021 года, запоўніўшы анлайн-анкету. Прэтэндэнты павінны патлумачыць, чаму яны хочуць стаць пасламі еўрапейскай моладзі, і выканаць творчае заданне.

Адабраныя кандыдаты будуць запрошаныя на сумоўе. Тых, хто паспяхова яго пройдзе, запросяць на спецыяльныя сесіі, а іх кандыдатуры будуць узгадняцца. Увесь працэс ад завяршэння прыёму заявак да атрымання канчатковых вынікаў зойме прыкладна восем тыдняў.

Ініцыятыва «Паслы еўрапейскай моладзі» (YEAs) – гэта непалітычная і добраахвотная сетка, якая аб’ядноўвае моладзь краін Усходняга партнёрства, ЕС і Вялікабрытаніі. Ініцыятыва інфармуе пра супрацоўніцтва паміж ЕС і краінамі УП, імкнецца спрыяць міжнароднаму палітычнаму дыялогу і дапамагае маладым людзям стаць актыўнымі грамадзянамі і працаваць дзеля лепшай будучыні.

Ініцыятыва была створаная Еўрапейскім саюзам у 2016 годзе, і за гэты час у ёй узялі ўдзел больш за тысячу маладых людзей. Цяпер сетка налічвае больш за 500 актыўных паслоў, якія прадстаўляюць больш як 30 нацыянальнасцяў.

Даведацца больш:

Форма анлайн-заяўкі

Паслы еўрапейскай моладзі і найбольш частыя пытанні

Пазнаёмцеся з цяперашнімі пасламі еўрапейскай моладзі

* Маладыя людзі са Злучанага Каралеўства бяруць удзел у ініцыятыве з 2016 года і па-ранейшаму маюць права далучыцца да сеткі YEAs.