ЕБРР закрые свае офісы ў Маскве і Мінску

Еўрапейскі банк рэканструкцыі і развіцця (ЕБРР) абвясціў, што знаходзіцца ў працэсе закрыцця сваіх пастаянных офісаў у Маскве і Мінску.

ЕБРР рашуча асудзіў вайну супраць Украіны. “Рашэнне закрыць офісы ў Маскве і Мінску з’яўляецца непазбежным вынікам дзеянняў, распачатых Расійскай Федэрацыяй з дапамогай Беларусі”,- гаворыцца ў заяве ЕБРР.

Банк ужо прыняў рашэнне спыніць доступ гэтых абедзвюх краінаў да фінансавання і экспертнай ацэнкі з боку ЕБРР.

ЕБРР таксама ўзгадніў першапачатковы пакет у памеры 2 мільярдаў еўра для Украіны і іншых краінаў, пацярпелых ад вайны.

Даведацца больш:

Прэс-рэліз