Avropa Komissiyasında təcrübə proqramlarında iştirak üçün avqustun 31-nə qədər müraciətlərin qəbuluna başlanıb

2023-cü ilin mart ayında başlayacaq təcrübə proqramlarına artıq qeydiyyat başlanıb.

“Blue Book” təcrübə proqramı Aİ direktoratlıqlarında, təsisat və qurumlarında ödənişli təcrübə sayəsində praktiki təcrübə əldə etməyə imkan yaradır. Təcrübə proqramlarına qoşulan şəxslər Aİ-nin qurumlarının yerləşdiyi Avropa İttifaqının istənilən yerində, məsələn  Brüsseldə, Lüksemburqda yerləşdiriləcəklər.

Proqramlarda əsasən Aİ ölkələrinin vətəndaşları iştirak edəcək, ancaq Aİ-yə üzv olmayan ölkələrin vətəndaşları üçün də məhdud sayda yer ayrılıb.

Aİ təsisatlarında, orqan, qurum və ya nümayəndə heyətində altı həftədən çox iş təcrübəsi olmayan və ingilis, alman və ya fransız dillərini yaxşı bilən hər hansı bir ixtisas üzrə universitet məzunları müraciət edə bilər.

Ərizələrin son qəbulu tarixi 31 avqust 2022-ci ildir.

Daha çox öyrən

Mətbuat üçün açıqlama