Praqada üç aylıq təcrübə proqramı – mayın 15-dək müraciət edin
May 4, 2023

Praqada üç aylıq təcrübə proqramı – mayın 15-dək müraciət edin


Praqa Vətəndaş Cəmiyyəti Mərkəzinin Təqaüd Proqramı vətəndaş cəmiyyəti liderlərinə, jurnalistlərə və fəallara düşünmək, şəbəkələr qurmaq, yeni imkanları araşdırmaq və layihələr üzərində işləmək üçün Praqada üç aylıq təqaüd proqramında iştirak etmək imkanı yaradır.

2023-2024-cü illər üzrə təqaüdlər Praqada üç müxtəlif dövrdə keçiriləcək: 1 oktyabr – 31 dekabr 2023-cü il, 1 fevral – 30 aprel 2024-cü il və 1 may – 31 iyul 2024-cü il.

Təqaüd proqramı Azərbaycan, Belarus, Ermənistan, Gürcüstan, Moldova və Ukraynadan olan jurnalistlər, ekspertlər, tədqiqatçılar, hüquq müdafiəçiləri, ətraf mühit, mədəniyyət və şəhərə aid sektorlarda fəal olanlar, qeyri-hökumət təşkilatlarının və icma qruplarının üzvləri üçün nəzərdə tutulub.

Proqrama əsasən Çexiya QHT-ləri və analitik mərkəzlərində görüşlər, layihələrin hazırlanması və maliyyə dəstəyinin əldə edilməsinə dair seminarlar, həmkarlarla təcrübə mübadiləsi və layihələr üzərində fərdi iş daxildir. Layihələr yeni liderlik təşəbbüsləri, mülki sektorun dayanıqlılığı, araşdırmalar və maraqların müdafiəsi, tədqiqat layihələri, müharibə və müstəmləkəçilik əleyhinə təşəbbüsləri əhatə edə bilər.

Mərkəz səyahət xərclərini qarşılayır, yaşayış yeri və Praqada qalmaq üçün kiçik gündəlik pul vəsaiti ilə təmin edir, eləcə də viza almağa kömək edir. İştirakçılar həmçinin internet və printeri olan ofisdən istifadə edə biləcəklər.

Müraciət üçün son tarix mayın 15-dir.

Praqa Vətəndaş Cəmiyyəti Mərkəzi Şərqi Avropada və Mərkəzi Asiyada sosial dəyişikliyin və irəliləyişlərin aparıcı qüvvələri olaraq vətəndaş cəmiyyətini və müstəqil medianı dəstəkləyir. Mərkəz digər donorlarla yanaşı, Avropa Komissiyasının maliyyə dəstəyindən yararlanır.

Daha çox öyrən

Mətbuat üçün açıqlama

BAĞLANIŞ TARİXİ:

May 15, 2023

İMKANIN NÖVÜ



ÇOX OXUYUR



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,