İnsan hüquqları gününə həsr olunmuş video rolik müsabiqəsi təşkil olunur

Avropa İttifaqının Azərbaycandakı Nümayəndəliyi 10 dekabr İnsan hüquqları günü münasibətilə video rolik müsabiqəsi təşkil edir. Müsabiqənin məqsədi insan hüquqları haqqında məlumatlılığı artırmaqdır. 

14-18 yaşlı gənclər istər fərdi şəkildə, istərsə də qrup şəklində insan hüquqlarına həsr olunmuş (ortalama 2-4 dəqiqə uzunluğunda) video rolik hazırlayaraq müsabiqəyə təqdim edə bilərlər.

Aİ-nin Azərbaycandakı Nümayəndəliyi birinci yerin qalibini GoPro video kamerası ilə, ikinci və üçüncü yerin sahiblərini isə müvafiq olaraq iPad və eBook oxuyucusu ilə mükafatlandıracaq. Qaliblərin adları həmçinin Aİ-nin Azərbaycandakı Nümayəndəliyinin onlayn platformalarında işıqlandırılacaq. 

Video roliklər (Azərbaycan və İngilis dilində) noyabrın 25-nə qədər ərizə forması ilə birgə müsabiqəyə təqdim olunmalıdır.

Daha çox öyrən

Elan