EU4 Independent Media Şərq Tərəfdaşlığı ölkələrindən layihə təklifləri qəbul edəcək

EU4 Independent Media (Müstəqil Media üçün Aİ) Azərbaycan auditoriyası üçün müstəqil media kontentinin istehsalına dəstək məqsədiylə çağırış elan edir.

Kontent istehsalına dəstək proqramının ümumi məqsədi Ukraynada müharibə zamanı kifayət qədər işıqlandırılmayan, lakin onun təsiri ilə bağlı olan və Azərbaycan cəmiyyəti üçün mühüm əhəmiyyət kəsb edən mövzular üzrə yüksək keyfiyyətli, etibarlı və məzmun müxtəlifliyiylə seçilən kontent istehsalını asanlaşdırmaqdır. Layihə Avropa İttifaqı tərəfindən dəstəklənir.

Proqramın məqsədləri:

1. Müstəqil media orqanlarına, jurnalistlərə və prodüser qruplarına kontent istehsalı ilə bağlı dəstək vermək.
2. Multimedia hekayələşdirmə (storytelling) və mentorluq seminarları vasitəsilə media orqanlarının bacarıqlarının artırılmasına dəstək vermək.
3. Müxtəlif platformalar vasitəsiylə Azərbaycan cəmiyyətinin yüksək keyfiyyətli ictimai maraq doğuran kontent və materiallarla təmin edilməsinə töhfə vermək.

Uyğun namizədlər:

1. Müstəqil media qurumları;
2. Azərbaycan cəmiyyəti və auditoriyası üçün xidmət göstərmək məqsədiylə qeydiyyatdan keçmiş xəbər təşkilatları;
3. Media və jurnalistika ilə bağlı fəaliyyət göstərən qeyri-hökumət təşkilatları;  
4. Müstəqil kontent istehsalıyla məşğul olan təşkilatlar;  
5. Yuxarıda qeyd edilənlərdən hər hansı birinin adından fəaliyyət göstərən jurnalistlər/kontent istehsalı qrupları.

Uyğunluq meyarlarının tam siyahısını buradan oxuyun.

Siyahıya alınmış namizədlər kontent istehsalı üçün 5000 avroya qədər maliyyə dəstəyinə müraciət edə bilərlər.

Müraciət üçün son tarix – Aprel 2, 2023.

Necə müraciət etməli?

Doğru yönləndirilməniz üçün uyğunluq meyarlarını diqqətlə oxuyun.

Zəhmət olmazsa, onlayn forma vasitəsilə müraciət edin