Azadlıq, həmrəylik və bərabərliyin təşviqi üzrə Adamoviç mükafatı: oktyabrın 31-dək namizədinizi təqdim edin

Azadlıq, həmrəylik və bərabərliyin təşviqində cəsarət və nailiyyətlərə görə təqdim olunacaq “Adamoviç Mükafatı 2022” beynəlxalq təşkilatları oktyabrın 31-dək namizədlərini təqdim etməyə dəvət edir. Şəxs və ya təşkilat qismində olan namizədlər dünyanın istənilən ölkəsindən təqdim oluna bilər. Namizədlər dözümsüzlük, nifrət nitqi və ksenofobiya ilə fəal mübarizə aparan şəxslər olmalıdır. 

Namizədlər Avropa Regionlar Komitəsinin, istənilən şəhər və ya regional şuranın üzvləri, eləcə də mükafatın təqdim olunduğu sahələrdə fəal iştirakı və müvafiq təcrübəsi olan beynəlxalq təşkilatlar tərəfindən də təklif oluna bilər.

Adı çəkilən mükafat 1998-ci ildən 2019-cu il yanvarın 13-də qətlə yetirilənə qədər Qdansk şəhərinin meri olan Pavel Adamoviçin adını daşıyır. Onun qətlindən əvvəl ona qarşı nifrət dolu nitqlər səslənib. Bu mükafatın təsis edilməsi həm də dözümsüzlük, radikallaşma, nifrət nitqi, istismar və ksenofobiya ilə cəsarətlə və vicdanla mübarizə aparan, bərabər imkanlar, sosial inklüzivlik və fundamental hüquqları təşviq edən hər kəsin tanınması məqsədini daşıyır. 

Namizədlərin irəli sürülməsi üçün son tarix 31 oktyabr 2022-ci ildir.  

Mükafatlandırma mərasimi 2023-cü ilin yanvarında keçiriləcək.

Daha çox öyrən

Mətbuat üçün açıqlama