Avropa Şurası ayrı-seçkilik qurbanlarını dəstəkləyən vətəndaş cəmiyyəti təşkilatları tərəfindən qrant layihələrinin qəbuluna başlayır

Avropa Şurası, Aİ tərəfindən maliyyələşdirilən “Yaxşı İdarəçilik naminə Tərəfdaşlıq” proqramı çərçivəsində Azərbaycan, Ermənistan, Moldova və Ukraynada milli və yerli layihələrin birgə maliyyələşdirilməsi məqsədilə xüsusən həssas qruplardan ayrı-seçkilik, nifrət nitqi və nifrət zəmnində törədilən cinayət qurbanlarını dəstəkləyən layihələrin qəbuluna başlayıb.

Sözügedən qrantlar vətəndaş cəmiyyəti təşkilatlarına Aİ və Avropa Şurasının birgə həyata keçirdiyi “Yaxşı İdarəçilik naminə Tərəfdaşlıq” proqramı və onun regional layihəsi olan “Şərq Tərəfdaşlığı ölkələrində ayrı-seçkilik, nifrət zəminində törədilən cinayətlər və nifrət nitqi qurbanları üçün məhkəmədən kənar mexanizmlər vasitəsilə ədliyyəyə çıxışın gücləndirilməsi” çərçivəsində təqdim edilir. 

Layihələrə bacarıqların artırılması, məlumatlılığın artırılması və ya təşbliğat kampaniyalarının hazırlanması, ayrı-seçkilik, nifrət nitqi və ya nifrət zəmnində törədilən cinayət qurbanlarına birbaşa dəstək, ictimai tədbirlər və s. daxil edilə bilər. Layihələrə gender bərabərliyinin qorunması, məsələn həssas icmalardan olan qadınların cəlb olunması tövsiyə olunur. 

Avropa Şurası hər biri maksimum 19 000 avro olmaqla maksimum beş təşkilata qrant ayırmaq niyyətindədir.

Layihə təkliflərinin son qəbulu tarixi 3 oktyabrdır.

Daha çox öyrən

Mətbuat üçün açıqlama