Almaniyada bir illik könüllülük proqramı

Almaniyanın cənubunda yerləşən Bad Vurzax kurort şəhərindəki Salvatorkolleg Gimnaziyası bütün Şərq Tərəfdaşlığı ölkələrindən olan könüllüləri məktəbdəki gündəlik işlərdə iştirak etməyə dəvət edir. Könüllülər alman dilini başlanğıc səviyyədə bilməlidirlər.

Sözügedən proqram 46 həftə olmaqla 15 sentyabr 2022-ci il-31 iyul 2023-cü il tarixləri arasında həyata keçiriləcək. 

Könüllülər əsasən qeyri-formal fəaliyyələrə cəlb olunacaq və incəsənət, musiqi, dillər və mədəniyyət sahələri üzrə seminarlar keçirəcəklər. Onlar həmçinin şagirdlərlə birgə fiziki tərbiyə və digər oxşar fəaliyyətlərdə iştirak edəcəklər.

Könüllülər iki nəfərlik mənzil, qidalanma və yerli nəqliyyat üçün pul vəsaiti ilə təmin olunacaqlar.

Ərizə ilə müraciət üçün son tarix fevralın 28-dir.

Daha çox öyrən

Mətbuat üçün açıqlama