Ukrayna: Aİ Rusiyaya qarşı dördüncü sanksiya paketini qəbul edib

Ukrayna: Aİ Rusiyaya qarşı dördüncü sanksiya paketini qəbul edib

Mart 18, 2022

Bu gün Avropa İttifaqı Şurası Rusiyanın Ukraynaya qarşı davam edən hərbi təcavüzünə cavab olaraq dördüncü iqtisadi və fərdi sanksiyalar paketinin tətbiqinə qərar verib.

Şuranın qərarına daxildir:

  • müxtəlif sektorlarda (Kremlin hərbi sənaye kompleksində) müəyyən dövlət müəssisələri ilə bütün əməliyyatlara qadağa;
  • hər hansı Rusiyalı fiziki və ya hüquqi şəxsə kreditin qiymətləndirilməsi xidmətlərinin göstərilməsini, habelə kreditin qiymətləndirilməsi fəaliyyəti ilə bağlı hər hansı abunə xidmətlərindən istifadəyə qadağa;
  • ikili təyinatlı mallar və Rusiya hərbi-sənaye kompleksinin texnoloji təkmilləşdirilməsinə töhfə verə biləcək mallar və texnologiyalar üzrə daha sərt ixrac məhdudiyyətlərinə məruz qalan Rusiyanın hərbi-sənaye bazası ilə əlaqəli şəxslərin siyahısının genişləndirilməsi;
  • Rusiyanın energetika sektoruna yeni investisiyaların qoyulmasına qadağa, o cümlədən enerji sənayesi üçün avadanlıq, texnologiya və xidmətlərin ixracına hərtərəfli məhdudiyyətlərin tətbiqi;
  • dəmir və polad ticarətinə əlavə məhdudiyyətlərin tətbiqi, bu da Rusiyanın ixrac gəlirlərinin təxminən 3,3 milyard avro həcmində itkisinə səbəb olacaq;
  • Rusiya elitasına birbaşa zərbə vuracaq dəbdəbəli malların (məsələn, dəbdəbəli avtomobillər, zinət əşyaları və s.) ixracına Aİ qadağası.

Bundan əlavə, Şura Ukraynadakı vəziyyətlə bağlı Kremlin mövqeyini təbliğ edən əsas oliqarxlara, lobbiçilərə və təbliğatçılara, həmçinin aviasiya, hərbi və ikili təyinatlı, gəmiqayırma və maşınqayırma sənayesindəki əsas şirkətlərə qarşı sanksiyalar tətbiq etmək qərarına gəlib.

Şura həmçinin Belarusun dəstəyi ilə Rusiyanın Ukraynaya qarşı təcavüzü ilə bağlı Ümumdünya Ticarət Təşkilatının (ÜTT) çoxtərəfli bəyanatına Aİ adından qoşulmaq üçün Avropa Komissiyasına icazə verib. Aİ özünün fundamental təhlükəsizlik maraqlarını qorumaq üçün zəruri hesab edilən istənilən addımı atmağa hazır olduğunu təsdiqləyib. Bunlar Ukraynaya dəstək aksiyaları və ya Rusiya ilə bağlı güzəştlər və ya digər öhdəlikləri dayandırmağa yönəlmiş tədbirlər ola bilər (məsələn, Rusiya malları və xidmətləri üçün ən əlverişli ölkə rejiminin dayandırılması). Aİ həmçinin hesab edir ki, Belarusun ÜTT-yə daxil olması prosesi dayandırılmalıdır.

“Dördüncü sanksiyalar paketi Rusiyanın Ukraynaya təcavüzü zamanı arxalandığı iqtisadi və logistik bazaya növbəti ciddi zərbədir. Sanksiyaların məqsədi prezident Putinin bu qeyri-insani və mənasız müharibəni dayandırmasıdır”, – Aİ-nin ali nümayəndəsi Cozep Borrel bildirib. 

Daha çox öyrən

Mətbuat üçün açıqlama

<iframe class=”euneighbourseast-embed-iframe” width=”740″ height=”315″ src=”https://euneighbourseast.eu/news/explainers/eu-support-for-ukraine-from-sanctions-to-military-and-humanitarian-aid-how-is-the-eu-helping/?embed=1″ title=”EU support for Ukraine: from sanctions to military and humanitarian aid” frameborder=”0″ allowfullscreen></iframe>




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,