Şəkidə yerləşən peşə təhsili müəssisələrində “Açıq qapı” günləri keçirilib

Şəkidə yerləşən peşə təhsili müəssisələrində “Açıq qapı” günləri keçirilib

İyun 11, 2021

İyunun 9-da Avropa İttifaqı, Birləşmiş Millətlər Təşkilatının İnkişaf Proqramı (BMTİP) və Peşə Təhsili üzrə Dövlət Agentliyinin birgə həyata keçirdiyi “Açıq qapı” günləri Şəki şəhərində yerləşən peşə təhsil müəssisələri ilə başa çatıb.

Gəncə, Cəlilabad və Şəkidə fəaliyyət göstərən peşə təhsili mərkəzlərində “Açıq qapı” günlərinin keçirilməsinin məqsədi peşə təhsili mərkəzləri haqqında cəmiyyətə daha çox məlumat vermək və peşə təhsilinin gənclər üçün cəlbediciliyini artırmağa kömək etməkdir.

Sayca  beşinci olan tədbir Şəki Dövlət Peşə Təhsil Mərkəzi ilə birgə təşkil olunub. Onlayn qaydada keçirilən tədbirdə Şəki şəhərindən 100 nəfərədək yuxarı sinif şagirdləri, valideyn və müəllim kollektivi, həmçinin Peşə Təhsili üzrə Dövlət Agentliyinin və Şəki Şəhər Təhsil İdarəsinin rəsmi nümayəndələri iştirak edib. İştirakçılar peşə təhsili sisteminin müasirləşdirilməsi istiqamətində hazırda görülən tədbirlər,  peşə təhsil mərkəzinə qəbul qaydaları və müvafiq peşə təhsil mərkəzlərində mövcud imkan və xidmətlər barədə məlumat almaq imkanı qazanıblar.

“Açıq qapı” günləri Avropa İttifaqının maliyyələşdirdiyi və BMTİP-nin Peşə Təhsili üzrə Dövlət Agentliyi ilə birgə həyata keçirdiyi “Gələcək üçün Peşə Təhsili və Təlimi: Azərbaycanda Qabaqcıl Peşə Təhsili Mərkəzlərinin yaradılmasına dəstək” layihəsi çərçivəsində təşkil edilir. Layihə Azərbaycanda peşə təhsili müəssisələrinin əmək bazarının mövcud ehtiyaclarına uyğunlaşdırılması və cəlbediciliyinin artırılmasına kömək etmək məqsədi daşıyır.

Daha çox öyrən

Mətbuat üçün açıqlama

Azərbaycan: Aİ tərəfindən maliyyələşdirilən peşə təhsili müəssisələrində “Açıq qapı” günləri keçirilir




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,