“Homo Urbanus Europeanus” adlı sərgi keçirilir

“Homo Urbanus Europeanus” adlı sərgi keçirilir

May 27, 2021

Mayın 20-də Bakıda Fransalı fotoqraf Jan Mark Karaççinin “Homo Urbanus Europeanus” adlı fərdi sərgisi açılıb.

Sərgi Avropa İttifaqının Azərbaycandakı Nümayəndəliyi və “YARAT” Müasir İncəsənət Məkanı tərəfindən Avropa Günləri çərçivəsində təşkil edilir. 27 Avropa paytaxtının nümayiş olunduğu sərgi mayın 29-na qədər davam edəcək.

Açılış mərasimində çıxış edən Avropa İttifaqının Azərbaycandakı Nümayəndəliyinin rəhbəri Kestutis Yankauskas sərgidə Avropa müxtəlifliyinin əks olunduğunu bildirib. O əlavə edib ki, sərgi Avropa Gününü mükəmməl formada qeyd edərək “Avropaya hə” mesajını çatdırır.

“Homo Urbanus Europeanus” sərgisində şəhər fonunda çəkilmiş ayrı-ayrı simalar nümayiş olunur. Sərginin müəllifi Jan Mark Karaççi deyib ki, həmişə lazımi zaman, lazımi yerdə olan, incəliklə həkk olunmuş bu insan varlığı, bu siluet, şəhərə gözlənilməz gözəllik və əzəmət verir.

“Homo Urbanus Europeanus” layihəsinə 2007-ci ilin iyununda Bratislava şəhərində start verilib. Sərginin müəllifi indiyə qədər bu layihə çərçivəsində 43 Avropa paytaxtı və şəhərlərinə səfər edib.

Daha çox öyrən

Mətbuat üçün açıqlama

 




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,