Azərbaycan: Aİ və BMTİP sosial sahibkarlığa dair təlim düşərgəsi təşkil edib

Avropa İttifaqı (Aİ) və Birləşmiş Millətlər Təşkilatının İnkişaf Proqramı (BMTİP) sosial çətinliklər üçün  innovativ biznes həlləri yaratmağa kömək məqsədilə Azərbaycanda İdeyalaşdırma Təlim Düşərgəsi təşkil edib.

Təlimin ilk mərhələsində Ağdam, Bakı, Biləsuvar, Gəncə, Goranboy, Göyçay, Qazax, Qusar, Lənkəran, Masallı, Mingəçevir, Neftçala, Şəmkir, Şəki, Yardımlı və Zaqatala şəhər və rayonlarından 70-ə yaxın sosial sahibkar, sosial yönümlü biznes sahibi və vətəndaş cəmiyyəti təşkilatlarının nümayəndələri bir araya gəlib. İştirakçılar sosial sahibkarlıq sahəsində qlobal təcrübələr və sosial problemlərin həllinə yönələn bizneslərin qurulması barəsində öyrəniblər. 

Təlim düşərgəsindən seçilmiş ideyalar layihənin növbəti inkubasiya və akselerasiya proqramına vəsiqə qazanacaq və həmin mərhələdə ən yaxşı biznes planları maliyyə dəstəyi ala biləcək.

Adı çəkilən düşərgə, Aİ-nin maliyyələşdirdiyi və BMTİP-nin həyata keçirdiyi “Azərbaycanda innovasiya əsaslı və dayanıqlı vətəndaş cəmiyyətinin inkişafı” layihəsi tərəfindən təşkil edilib. Layihənin məqsədi siyasətlərin formalaşdırılması, yerli inkişafa dəstək, ölkədə sosial sahibkarlığın təşviqi sahələrində vətəndaş cəmiyyəti təəşkilatlarının iştirakının artırılması məqsədilə onların potensialının gücləndirilməsidir. 

Daha çox öyrən

Mətbuat üçün açıqlama