AYİB kiçik iddialar üzrə onlayn məhkəmələrin inkişafına dəstək verəcək
Mart 26, 2021

AYİB kiçik iddialar üzrə onlayn məhkəmələrin inkişafına dəstək verəcək


Avropa Yenidənqurma və İnkişaf Bankı (AYİB) kiçik iddialar üzrə onlayn məhkəmələrin inkişafında ölkələrə kömək məqsədilə pilot layihənin icrasına başlayır.

AYİB, kiçik və orta sahibkarlıq subyektlərinin (KOB-lar) öz hüquq və mənafelərini səmərəli şəkildə müdafiə etmələrinə kömək etmək və kommersiya xarakterli mübahisələrin həllində xərcləri azaltmaq üçün Qərbi Balkanlar, Şərqi Avropa, Qafqaz və Orta Asiyada onlayn məhkəmələr təcrübəsini tətbiq etməyi nəzərdə tutur. İlk məhkəmə prosesinin Ukrayna üçün keçirilməsi nəzərdə tutulur. AYİB-in keçirdiyi sorğunun nəticələrinə görə Kiyevdə fəaliyyət göstərən firmaların 49%-i məhkəmələri fəaliyyətlərinə ciddi və ya çox ciddi maneə hesab edirlər.

Onlayn məhkəmələr dedikdə, mübahisələrin həlli prosesi iddianın təqdim olunmasından başlayaraq qərarın qəbul olunmasına qədər standart olaraq onlayn qaydada həyata keçirilir. İddiaçılar və onların nümayəndələri birbaşa belə məhkəmələrə müraciət edə bilər. Bu məhkəmələr ədalət mühakiməsi və iddiaçıların məhkəmədə iştirakının asanlaşdırılmasına yönələn xidmət və vasitələrlə tamamlanır.

Daha çox öyrən

Mətbuat üçün açıqlama

 



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,