AYİB Azərbaycanda sahibkarlığı dəstəkləmək üçün AccessBank ilə əməkdaşlığa başlayıb 
May 22, 2024

AYİB Azərbaycanda sahibkarlığı dəstəkləmək üçün AccessBank ilə əməkdaşlığa başlayıb 


Avropa Yenidənqurma və İnkişaf Bankı (AYİB) Azərbaycanda mikro, kiçik və orta ölçülü sahibkarlıq müəssisələrinin (MKOM-lar) inkişafını dəstəkləmək məqsədilə AccessBank-ı maliyyə paketi ilə təmin edəcək.

AYİB qeydiyyatdan keçmiş kreditor olaraq 9,24 milyon avroya qədər sindikatlaşdırılmış kredit təmin edəcək. Cənub Şərqi Avropa üzrə Avropa Fondu (EFSE) isə B kateqoriyalı kreditor qismində çıxış edəcək. Hər iki maliyyə institutu AccessBank-a yerli valyuta ekvivalentində təxminən 4,6 milyon avro dəyərində kredit təqdim edəcəklər.

Bu vəsaitlər sahibkarlığın inkişafı və rəqabət qabiliyyətliliyinin dəstəklənməsi məqsədilə yerli MKOM-ların maliyyələşdirilməsinə sərf olunacaq. 

“AYİB-nin AccessBank ilə yenilənmiş əməkdaşlığı onun Azərbaycandakı strateji prioritetlərinə uyğun olaraq daha geniş əməkdaşlığa yol açmaq məqsədi daşıyır. Bu prioritetlərə ölkə iqtisadiyyatının şaxələndirilməsi, yerli biznes üçün maliyyə imkanlarının genişləndirilməsi və yaşıl iqtisadiyyatın dəstəklənməsi daxildir”, – AYİB-in mətbuat üçün açıqlamasında deyilir.

AYİB Azərbaycanda aparıcı institusional investorlardan biridir. Azərbaycan iqtisadiyyatının şaxələndirilməsinə dəstək məqsədilə bu günə qədər AYİB Azərbaycanda icra olunan 189 layihəyə 3,7 milyard avro məbləğində investisiya yatırıb.

Daha çox öyrən

Mətbuat üçün açıqlama

Cənub Şərqi Avropa üzrə Avropa Fondu



ÇOX OXUYUR



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,