Aİ pandemiya zamanı yeni humanitar yardım konsepsiyasını təqdim edib

Aİ pandemiya zamanı yeni humanitar yardım konsepsiyasını təqdim edib

Mart 12, 2021

Martın 10-da Avropa Komissiyası COVID-19 pandemiyası səbəbindən artan humanitar problemlərin öhdəsindən gəlmək üçün Avropa İttifaqının qlobal humanitar fəaliyyətini gücləndirməyi təklif edib. Komissiyanın açıqladığı sənəddə resurs bazasının genişləndirilməsi, humanitar tərəfdaşlar üçün daha əlverişli mühitin dəstəklənməsi və böhranın əsas səbəblərinin aradan qaldırılması vasitəsilə humanitar yardımların verilməsini sürətləndirmək üçün bir sıra mühüm tədbirlər nəzərdə tutulub.

Sənəddə həmçinin beynəlxalq humanitar hüquqa diqqətin artırılması və iqlim dəyişikliyinin kəskin humanitar təsirinin azaldılması məsələləri ön plana çəkilir.

Aİ, tərəfdaşları və ya onların imkanları vasitəsilə humanitar yardımların çatdırılmasında ənənəvi mexanizmlərin təsirsiz və ya qeyri-kafi olduğu təqdirdə, həmin böhranlara birbaşa müdaxilə etmək üçün yeni mexanizm işləyib hazırlayacaq. Avropa İttifaqı nəqliyyat və logistikanı sadələşdirməyi və yardım mənbələrini birləşdirməyi planlaşdırır.

Bununla da Aİ, logistik qiymətləndirmələr, COVID-19 virusuna qarşı peyvəndlər və onların həssas ölkələrə çatdırılması daxil olmaqla yardım vasitələrinin ilkin mərhələdə yerləşdirilməsi, nəqli, saxlanması və paylanması üçün dəstək təmin edəcək.

Avropa İttifaqı və ona üzv dövlətlər  hazırda dünyanın aparıcı humanitar donorudur və qlobal yardımların təqribən 36%-i onun hesabına düşür.

Daha çox öyrən

Mətbuat üçün açıqlama

 




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,