Qadınlara qarşı zorakılıq barədə məlumatlılığın artırılması: İstanbul Konvensiyasının 13-cü maddəsi

İstanbul Konvensiyasının qadınlara qarşı zorakılığın qarşısının alınması mövzusunda məlumatlılığın artırılmasına həsr olunmuş 13-cü maddəsi (Avropa Şurasının qadınlara qarşı zorakılığın və məişət zorakılığının qarşısının alınması və onlarla mübarizə haqqında Konvensiyası) Azərbaycan dilinə tərcümə olunub. Bu broşürdə həmçinin bu istiqamətdə görülə biləcək tədbirlər, eyni zamanda həmin tədbirlərin görüldüyü spesifik məzmun nəzərə alınaraq bu sahədə çalışan ekspertlərin cəlb olunması (qadın təşkilatları daxil olmaqla) və onlar üçün kifayət qədər resursların ayrılması kimi məsələlər yer alır.

Broşür Avropa İttifaqı və Avropa Şurası tərəfindən maliyyələşdirilən və Avropa Şurasının Yaxşı İdarəçilik üçün Tərəfdaşlıq II proqramının bir hissəsi olaraq həyata keçirdiyi “Azərbaycanda İstanbul Konvensiyası və digər gender bərabərliyi standartları barədə məlumatlılığın artırılması” layihəsi çərçivəsində tərcümə olunub.