Yeni Erasmus+ proqramı üçün yeni Erasmus+ tətbiqi
Yanvar 28, 2021

Yeni Erasmus+ proqramı üçün yeni Erasmus+ tətbiqi


Yanvarın 28-də 10 milyondan çox insana dəstək olan Aİ-nin ən uğurlu flaqman proqramı olan Erasmus+ yeni Erasmus+ tətbiqini istifadəyə verib. Bu tətbiqin, yerdəyişmə edən tələbələr və Avropadakı digər təhsil alanlar üçün planlaşdırma, idarəetmə və dəstək xidmətləri sahəsində inqilaba səbəb olacağı gözlənilir. Tətbiq fərdi və akademik mənşəyindən asılı olmayaraq istənilən şəxsin proqramda iştirakına şərait yaradır.

Tətbiqin istifadəyə verilməsi, daha çox və daha geniş gənclər kütləsini əhatə etməyi və Şərqi tərəfdaşlıq ölkələri də daxil olmaqla, Avropadakı tələbələrin sözügedən proqramın təqdim etdiyi imkanlardan daha asanlıqla faydalana bilmələrini təmin etməyi nəzərdə tutan 2021-2027-ci illər üzrə yeni Erasmus+ proqramının başlamasına təsadüf edir.

Erasmus+ tətbiqi, yerdəyişmə ilə əlaqəli bütün mərhələlərdə iştirakçılara bələdçilik edəcək, yerdəyişmə ilə bağlı bütün müxtəlif inzibati prosesləri rəqəmsal şəkildə tamamlamağa, eləcə də  gənclərə yerləşəcəkləri cəmiyyətdəki xüsusi təkliflərdən yararlanmağa və tədbirlərdə, ictimai fəaliyyətlərdə və könüllülük fəaliyyətlərində iştirak edərək başqaları ilə əlaqə qurmağa imkan verəcək. Tətbiqin məqsədi Avropa təhsil məkanı üzrə strategiyaya uyğun olaraq yerdəyişməni artırmaqdır. Bu həmçinin Avropa Tələbə Kartı Təşəbbüsünün əsas komponentlərindən biridir.

Artıq bir sıra planlaşdırılmış xüsusiyyətləri özündə cəmləşdirən yeni tətbiqi mobil telefonunuza Google Play və App Store-dan və ya  erasmusapp.eu saytından endirə bilərsiniz.

Daha çox öyrən

Mətbuat üçün açıqlama



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,