ÜST-ün onlayn kursları artıq Azərbaycan dilində əlçatan olacaq

ÜST-ün onlayn kursları artıq Azərbaycan dilində əlçatan olacaq

Yanvar 25, 2022

Ümumdünya Səhiyyə Təşkilatı (ÜST) “OpenWHO” adlı onlayn təlim platformasının Azərbaycan səhifəsinin təqdimatını keçirib. Bu səhifə Azərbaycanlı səhiyyə işçilərinin bilik və bacarıqlarının artırılması məqsədilə yaradılıb. 

Platformanın təqdimatı məqsədilə Avropa İttifaqının (Aİ) maliyyələşdirdiyi “Sağlamlıq üçün həmrəylik təşəbbüsü” və “COVID-19 virusuna qarşı peyvəndləmə işinə dəstək” layihələri çərçivəsində xüsusi virtual görüş keçirilib. Görüşdə Tibbi Ərazi Bölmələrini İdarəetmə Birliyinin (TƏBİB) nümayəndələri və 150-dən çox tibb müəssisəsinin rəhbəri iştirak edib. 

“OpenWHO” platformasında ÜST ekspertləri tərəfindən hazırlanmış 120-dən artıq ödənişsiz onlayn kurslara çıxış imkanı var. Bu günə qədər Azərbaycan dilində yalnız bir kurs – İnfeksiyaların profilaktikası və nəzarət üzrə liderlik və proqramın idarə edilməsi (IPC) əlçatan olmuşdur.

Görüşdə həmçinin ÜST-nin OpenWHO platforması haqqında məlumatlılığın artırılması və tibb işçilərinin bilik və bacarıqlarının təkmilləşdirilməsi üçün kurslara cəlb olunmasının əhəmiyyəti vurğulanıb. 

Daha çox öyrən

Mətbuat üçün açıqlama




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,