Sorğu: Aİ-yə üzv dövlətlərin vətəndaşları hələ də Ukraynanı və onun qaçqınlarını dəstəkləməyə və Rusiya qazı və neftindən imtina etməyə hazırdırlar

Sorğu: Aİ-yə üzv dövlətlərin vətəndaşları hələ də Ukraynanı və onun qaçqınlarını dəstəkləməyə və Rusiya qazı və neftindən imtina etməyə hazırdırlar

İyun 17, 2022

İyunun 15-də Aİ-yə üzv olan bütün dövlətlərdə aparılan “Eurobarometer” sorğusunun növbəti nəticələri dərc olunub. Sorğu göstərir ki, Avropalıların əksəriyyəti Aİ-nin Rusiyanın Ukraynaya qarşı təcavüzü ilə bağlı gördüyü tədbirləri dəstəkləyir. 

Bu “Xüsusi Eurobarometer” 526 – “Dövrümüzün əsas çağırışları – 2022-ci ildə Aİ” adlı sorğu 19 aprel və 16 may 2022-ci il tarixləri arasında 27 Aİ-yə üzv dövlətdə üzbəüz və onlayn müsahibələr vasitəsilə aparılmışdır. Sorğunun nəticələri göstərir ki, avropalıların əksəriyyəti (59%) Aİ-nin Rusiyanın Ukraynaya təcavüzü ilə əlaqədar atdığı addımları və yaşadıqları ölkənin hökumətinin gördüyü tədbirlərdən (57%) razıdırlar.

Respondentlərin çoxu (93%) humanitar tədbirləri dəstəkləyir və Ukraynalı qaçqınlara Aİ ölkələrində sığınacaq verilməsinə (91%) müsbət yanaşırlar. “Eurobarometer” sorğusunun nəticələrinə əsasən, avropalıların 80%-i Rusiya hökumətinə, şirkətlərinə və fiziki şəxslərinə qarşı tətbiq olunan iqtisadi sanksiyaları, 70%-i isə Ukraynaya hərbi texnikanın tədarükü və çatdırılmasının maliyyələşdirilməsini dəstəkləyir. Avropa vətəndaşları kütləvi şəkildə ümumi təhlükəsizlik və müdafiə siyasətini dəstəkləyir (81%) və Aİ-dən Rusiyanın enerji mənbələrindən asılılığı tədricən azaltmağını gözləyirlər (87%). 

Daha çox öyrən

Mətbuat üçün açıqlama

Eurobarometer: Avropalılar Aİ-nin Ukraynadakı müharibə ilə bağlı gördüyü tədbirləri müsbət qarşılayır




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,