Şarl Mişel Avropa geosiyasi icmasının yaradılmasını təklif edib 

Şarl Mişel Avropa geosiyasi icmasının yaradılmasını təklif edib 

May 20, 2022

Avropa İttifaqı Şurasının Prezidenti Şarl Mişel Şərq Tərəfdaşlığı və Qərbi Balkan ölkələrini əhatə edən Avropa Geosiyasi İcmasının yaradılmasına çağırıb. O, bu təklifi mayın 18-də Avropa İqtisadiyyat və Sosial Siyasət Komitəsində çıxışı zamanı səsləndirib: “Məqsəd qitəmizdə ümumi problemlərin, sülhün, sabitliyin və təhlükəsizliyin həlli üçün əməli əməkdaşlığı daha da yaxınlaşdırmaq və dərinləşdirməkdir”.

Qurum rəhbəri icmanın yaradılmasına yubanmadan dərhal başlamağı tövsiyə edib: “Əslində, məncə, artıq Reykyavikdən Bakıya və ya İrəvana, Oslodan Ankaraya qədər uzanan faktiki bir geosiyasi birlik var. Mən qətiyyətlə inanıram ki, biz bu coğrafi ərazini siyasi reallığa çevirməliyik”.

Cənab Mişel icma çərçivəsində əməkdaşlığın əsasını xarici siyasətin təşkil etməsini təklif edərək bildirib ki, əsas diqqət konkret qarşılıqlı fayda gətirə bilən sosial-iqtisadi proqramlara yönəlməlidir: “Aydındır ki, Erasmus, Horizon kimi proqramlar və nəqliyyat və enerji sektorları belə əməkdaşlıq və layihə üçün faydalı mövzular ola bilər”.

O, həmçinin bildirib ki, 27 Avropa ölkəsi lideri ilə bu məsələ barədə məsləhətlər aparıb və məsələni iyun ayında keçiriləcək Avropa İttifaqı Şurasının sessiyasının gündəliyinə salmaq qərarına gəlib. Bundan əlavə, yay aylarında və ya daha sonra mümkün variantları müzakirə etmək üçün Aİ və maraqlı tərəfdaş ölkələrin liderlərini bir araya gətirəcək konfransın keçirilməsi planlaşdırılır. 

O, həmçinin vurğulayıb ki, Avropa geosiyasi icmasının yaradılması Aİ-nin genişlənmə prosesini əvəz etməməli, əksinə islahatları təşviq etməli, o cümlədən Avropaya inteqrasiyanı gücləndirmək üçün daha sürətli və daha dinamik olmalıdır. 

Daha çox öyrən

Mətbuat üçün açıqlama




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,