Sağlamlıq üçün Həmrəylik Təşəbbüsü: Aİ və ÜST Azərbaycana psixi sağlamlıq sahəsində dəstək verir
İyul 15, 2021

Sağlamlıq üçün Həmrəylik Təşəbbüsü: Aİ və ÜST Azərbaycana psixi sağlamlıq sahəsində dəstək verir


Avropa İttifaqı (Aİ) və Ümumdünya Səhiyyə Təşkilatı (ÜST) Aİ tərəfindən maliyyələşdirilən “Sağlamlıq üçün Həmrəylik Təşəbbüsü” çərçivəsində Azərbaycanda psixoloq və sosial işçilərin sayının artırılmasına dəstək verəcək. Bu əməkdaşlıq çərçivəsində psixi sağlamlıq üzrə uzunmüddətli stasionar xidmət göstərən müəssisələr olan 1 saylı Respublika Psixiatriya Xəstəxanası (Maştağa qəsəbəsi) və 1 Saylı Psixonevroloji Sosial Xidmət müəssisəsində (Buzovna qəsəbəsi) psixoloqlar və sosial işçilər fəaliyyətə başlayacaq. 

Maraqlanan şəxslər iyulun 22-nə qədər sözügedən vakansiyalara müraciət edə bilərlər.

2020-ci ilin sonundan etibarən COVID-19 pandemiyası və Daqlıq Qarabağ münaqişəsi səbəbi ilə ölkənin artan ehtiyaclarına cavab olaraq ÜST-ün Azərbaycandakı nümayəndəliyi bu ölkədə 98 psixi sağlamlıq və psixo-sosial dəstək mütəxəssisi üçün təlimlər təşkil edib. Bu işlər əsasən “Sağlamlıq üçün Həmrəylik Təşəbbüsü” çərçivəsində ayrılan maliyyə vəsaiti hesabına həyata keçirilib. Bu mütəxəssislərin 50-dən çoxu təlim proqramlarında iştirak edib və hazırda həmkarları üçün keçirilən təlimlərdə iştirak edirlər. Onların 30-dan çoxu isə Kolumbiya Universiteti və Queen Margaret Universitetlərinin təşkil etdiyi onlayn təlim proqramlarında iştirak ediblər. 

Daha çox öyrən

Mətbuat üçün açıqlama



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,