COVID-19: Aİ və ÜST Azərbaycanda infeksiyanın profilaktikası və nəzarət, epidemioloji müşahidə qabiliyyətinin artırılmasına dəstək göstərir
İyul 19, 2021

COVID-19: Aİ və ÜST Azərbaycanda infeksiyanın profilaktikası və nəzarət, epidemioloji müşahidə qabiliyyətinin artırılmasına dəstək göstərir


Ümumdünya Səhiyyə Təşkilatının Azərbaycandakı Nümayəndəliyi Avropa İttifaqının maliyyələşdirdiyi Şərq Tərəfdaşlığı ölkələrində Sağlamlıq üçün Həmrəylik Təşəbbüsü və “COVID-19-a qarşı peyvəndləməyə dəstək” layihələri çərçivəsində səkkiz COVID-19 peyvənd məntəqəsində və beş ilkin səhiyyə müəssisəsində infeksiyanın profilaktikası və nəzarət üzrə vəziyyəti qiymətləndirib. 

ÜST-nin Səhiyyədə Fövqəladə Hallar Proqramının Cənubi Qafqaz üzrə Mərkəzi ilə birlikdə təşkil edilən qiymətləndirmə münaqişənin təsirinə məruz qalmış 5 rayonu (Bərdə, Ağdam, Füzuli, Tərtər və Ağcabədi), o cümlədən Abşeron rayonu və Sumqayıt şəhərini əhatə edib.

Məqsəd həmin məntəqələrdə peyvəndləmə işinin pasiyentlərə COVID-19 və ya digər infeksiya riski olmadan təhlükəsiz şəkildə həyata keçirilməsini təmin etməkdir. İlkin səhiyyə xidməti göstərən müəssisələrdəki qiymətləndirmə, mövcud fövqəladə vəziyyətlərdə istifadə edilə bilən ilkin səhiyyə xidməti üzrə milli bələdçinin hazırlanması üçün baza rolunu oynayacaq. 

Qiymətləndirmələr zamanı əl gigiyenasına dair maarifləndirici materiallar paylanılıb və tibb işçilərinə əl gigiyenası ilə bağlı ən son tövsiyələr verilib. Bundan başqa, ilkin səhiyyə xidməti və peyvəndləməyə cəlb olunan tibb işçiləri üçün açıq havada infeksiyanın profilaktikası və nəzarət prinsiplərinə dair təlimlər keçirilib və Bərdə, Tərtər və Ağdam rayonlarındakı Gigiyena və Epidemiologiya mərkəzlərində epidemioloji müşahidə, yoluxma hallarının araşdırılması və təmasın izlənməsi üzrə qiymətləndirmələr aparılıb. Müəssisələrdəki peyvənd anbarlarının lazımi temperaturda saxlanılması və peyvəndlərin təhlükəsiz şəkildə tədarük olunması da yoxlanılıb.

Daha çox öyrən

Mətbuat üçün açıqlama



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,