Azərbaycanda üç rayon Qlobal Əhəmiyyətli Aqrar İrs Sistemi kimi qeydiyyata alınır
Fevral 12, 2021

Azərbaycanda üç rayon Qlobal Əhəmiyyətli Aqrar İrs Sistemi kimi qeydiyyata alınır


Azərbaycanın şimal qərbində yerləşən üç rayon – Zaqatala, Qax və Balakən rayonları EU4Business təşəbbüsünün “Azərbaycanın şimal-qərb bölgəsində dayanıqlı və inklüziv aqro-ərzaq sistemlərinin inkişaf etdirilməsi” layihəsi çərçivəsində Qlobal Əhəmiyyətli Aqrar İrs Sistemində (GIAHS) qeydiyyata alınacaq. Sözügedən layihə Avropa İttifaqı tərəfindən maliyyələşdirilir və BMT-nin Ərzaq və Kənd Təsərrüfatı Təşkilatı (FAO) tərəfindən həyata keçirilir.

GIAHS kənd təsərrüfatında biomüxtəlifliyi, dayanıqlı ekosistemləri və dəyərli mədəni irsi birləşdirən estetik yerlərdir. Ənənəvi kənd təsərrüfatı təcrübələri sayəsində bu iqlimə davamlı ərazilərdə aqrar bioloji müxtəlifliyi qoruyan davamlı ekosistemlər formalaşıb. GIAHS ərazisi kimi qeydiyyata alınma regionun mövcud və gələcək ərzaq təhlükəsizliyi, əhalinin dolanışığının təmin edilməsi, eləcə də digər iqtisadi və ekoloji məhsul və xidmətlərin inkişafı üçün böyük əhəmiyyətə malikdir.

Layihə çərçivəsində 22 ölkədən 62 GIAHS ərazisi şəbəkəsinə qatılacaq Azərbaycan rayonlarında kənd təsərrüfatı sahəsində kiçik sahibkarlığı dəstəkləyən və regionda yoxsulluğun aradan qaldırılmasına kömək edən dəyər zəncirləri yaradılacaq. Eyni zamanda layihə regionun kənd təsərrüfatı turizm potensialını inkişaf etdirəcək, bütün ölkəni xarici turistlərə tanıtdıracaq. 

Daha çox öyrən

Mətbuat üçün açıqlama

Azərbaycanda icra olunan EU4Business layihələr

 



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,