Azərbaycanda Avropa Yerdəyişmə Həftəsi keçirilir

Azərbaycanda “Avropa Yerdəyişmə Həftəsi” kampaniyası start götürür. Sentyabrın 16-dan 22-nə qədər davam edəcək kampaniyanın bu ilki devizi “Təhlükəsiz, sağlam və dayanıqlı yerdəyişmədir”. 

Kampaniya zamanı Avropanın dayanıqlı şəhər yerdəyişməsi strategiyasının aparıcı maarifləndirmə kampaniyası çərçivəsində fəal yerdəyişmə, ictimai nəqliyyat və digər təmiz, ağıllı nəqliyyat vasitələrindən istifadə etmək və pandemiya ilə bağlı qaydalara riayət etmək geniş auditoriyaya təşviq olunur.

İlk dəfə olaraq Bakını bu kampaniyada Bakı Nəqliyyat Agentliyi təmsil edir. Bu agentlik bir həftə ərzində “Nəqliyyat Könüllülərinin” iştirakı ilə paytaxtımızda bir sıra maarifləndirmə tədbirləri həyata keçirəcək.

Kampaniyadan əvvəl könüllülərə ictimai nəqliyyata yönəlmiş şəhərsalmanın əhəmiyyəti, piyadaların hərəkəti, velosiped sürmə və ətraf mühitə uyğun nəqliyyat vasitələrinin təşviqi haqqında məlumat verilib.

Daha çox öyrən

Mətbuat üçün açıqlama