Azərbaycan: Aİ-nin “Sağlamlıq üçün Həmrəylik Təşəbbüsü” çərçivəsində COVID-19 virusu ilə mübarizə aparan tibb işçiləri üçün vebinarlar keçirilir

Azərbaycan: Aİ-nin “Sağlamlıq üçün Həmrəylik Təşəbbüsü” çərçivəsində COVID-19 virusu ilə mübarizə aparan tibb işçiləri üçün vebinarlar keçirilir

Yanvar 15, 2021

Avropa İttifaqı tərəfindən maliyyələşdirilən və ÜST-nin Azərbaycandakı Nümayəndəliyi tərəfindən həyata keçirilən “Sağlamlıq üçün Həmrəylik Təşəbbüsü” koronavirus xəstələrinə qulluğun tibbi və psixoloji cəhətlərinə dair iki onlayn vebinar keçirib.

İlk belə tədbir yanvarın 9-da baş tutub. “COVID-19 kontekstində yetkinlərdə anafilaktik şokun müalicəsi və geniş reanimasiya tədbirləri” mövzusunda keçirilən vebinar zamanı Ege Universitetinin Tibb Fakültəsinin (Türkiyə) mütəxəssisləri Kubilay Demirağ və Mehmet Uyar bu sahədəki son yenilikləri 200-dən çox azərbaycanlı həmkarları ilə bölüşüblər.

“Xəstələr və insanlar ilə COVID-19 haqqında söbhətlər” mövzusunda baş tutan ikinci vebinar ÜST-nin Azərbaycandakı nümayəndəsi Hande Harmancı və həmin təşkilatın Avropa üzrə regional nümayəndəliyinin eksperti Olha İjık tərəfindən təqdim olunub. Yanvarın 11-də keçirilən tədbirdə 150-dən artıq tibb işçisi iştirak edib.

Hər iki vebinar ÜST-nin Azərbaycandakı Nümayəndəliyi və TƏBİB dövlət agentliyi tərəfindən birgə təşkil edilib.

Sağlamlıq üçün Həmrəylik Təşəbbüs adlı layihə Avropanın COVID-19 pandemiyasına qarşı mübarizə tədbirlərinin bir hissəsidir. Layihə çərçivəsində Şərqi tərəfdaşlıq ölkələrinin virusa qarşı mübarizəsinə dəstək verilir və cəmiyyətdə koronavirusun ən çox təsir göstərdiyi insanların ehtiyaclarını qarşılamağa kömək edilir.

Daha çox öyrən

Aİ-nin Azərbaycandakı Nümayəndəliyinin Facebook səhifəsi



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,