Avropa İttifaqı Azərbaycanı və Ermənistanı sərhədlərlə bağlı danışıqlara başlamağa çağırıb
İyun 4, 2021

Avropa İttifaqı Azərbaycanı və Ermənistanı sərhədlərlə bağlı danışıqlara başlamağa çağırıb


Mayın 28-də Avropa İttifaqının Azərbaycan və Ermənistan sərhəddində baş verən son gərgin vəziyyət ilə bağlı açıqlama dərc edib. 

Sözügedən qurum Azərbaycanı və Ermənistanı vəziyyəti daha da gərginləşdirməməyə və sərhəddəki vəziyyətin həlli üçün danışıqlara başlamağa çağırır.

Açıqlamada belə deyilir: “Ermənistanla Azərbaycan arasında sərhəddə baş verən son hadisələr təhlükəli və həyəcanvericidir. Gərginlik dərhal azaldılmalıdır. Bütün qüvvələr mayın 12-dən əvvəl tutduqları mövqelərə çəkilməli və hər iki tərəfin sərhədlərin delimitasiyası və demarkasiyası ilə bağlı danışıqlarda iştirakı vacibdir. Mümkün beynəlxalq müşahidə missiyasının yaradılması təklifləri daxil olmaqla gərginliyin azaldılmasına yönəlmiş bütün səyləri alqışlayırıq”.

 Həmçinin qeyd olunur ki, Avropa İttifaqı sərhədlərin delimitasiyası və demarkasiyasında ekspert dəstəyi verməyə və yardım göstərməyə, o cümlədən Cənubi Qafqazda davamlı sülh və firavanlığa doğru irəliləmək üçün etimad yaratmaq üçün lazımi səyləri dəstəkləməyə hazırdır.

Daha çox öyrən

Mətbuat üçün açıqlama

 



Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.


Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,