Avropa Həmrəylik Korpusu 2022-ci ilə qədər könüllülük fəaliyyətlərinə 138 milyon avrodan artıq vəsait ayıracaq

Avropa Həmrəylik Korpusu 2022-ci ilə qədər könüllülük fəaliyyətlərinə 138 milyon avrodan artıq vəsait ayıracaq

Noyabr 19, 2021

Noyabrın 17-də Avropa Komissiyası 2022-ci il üzrə Avropa Həmrəylik Korpusu proqramı çərçivəsində layihə qəbuluna başlayıb. Beynəlxalq layihələrin bu yeni sahəsi Avropa Könüllü Humanitar Yardım Korpusu adlanır.

Layihə qəbulu ilə könüllülük və gənclərin rəhbərlik etdiyi həmrəylik layihələri, sağlam həyat tərzini və mədəni irsin qorunmasını təşviq edən yüksək prioritet sahələr üzrə komandaları və yeni Avropa Könüllü Humanitar Yardım Korpusunu maliyyələşdirmək məqsədilə təxminən 139 milyon avronun ayrılması nəzərdə tutulub. 

Avropa Həmrəylik Korpusuna sosial problemlərin həllinə yönəlmiş həmrəylik fəaliyyətləri üçün 18-30 yaş arası gənclər və beynəlxalq humanitar yardım fəaliyyətləri üçün 18-35 yaş arası gənclər müraciət edə bilərlər. Avropa Həmrəylik Korpusunun fəaliyyətlərinə qoşulmaq istəyən gənclər Avropa Həmrəylik Korpusunun portalında qeydiyyatdan keçməlidirlər. Onlar burada həmçinin layihə icra edən təşkilatlar tapa bilərlər. Avropa Həmrəylik Korpusu portalında qeydiyyatdan keçmiş gənclər qrupları həmçinin özlərinin həmrəylik üzrə layihələrini maliyyələşdirmək üçün müraciət edə bilərlər.

İstənilən dövlət və ya özəl qurum Avropa Həmrəylik Korpusu çərçivəsində fəaliyyətləri həyata keçirmək üçün maliyyə dəstəyi ala bilər. Bu cür təşkilatlar proqramın prinsiplərinə, məqsədlərinə və tələblərinə uyğun olaraq yüksək keyfiyyətli həmrəylik fəaliyyəti həyata keçirə bildiklərini təsdiq edən keyfiyyət etiketi almalıdırlar. Onlar Aİ-nin bütün üzv dövlətlərində və proqramla əlaqəli üçüncü ölkələrdə yerləşən Avropa Həmrəylik Korpusunun milli agentlikləri və ya mərkəzləşdirilmiş fəaliyyət üzrə Avropa Təhsil və Mədəniyyət üzrə İcraçı Agentliyi (EACEA) vasitəsilə müraciət edə bilərlər.

Eyni ildə həyata keçiriləcək layihələrin qəbulu fevralın 23-nə qədər davam edəcək. Növbəti il üzrə layihə təklifləri isə oktyabrın 4-nə qədər təqdim edilməlidir.

Avropa Həmrəylik Korpusu Aİ və onun hüdudlarından kənarda məhdud imkanlı insanlara kömək, səhiyyə və ətraf mühit üzrə fəaliyyətlərə töhfə kimi bir sıra müxtəlif sahələrdə həmrəylik fəaliyyətlərinə qoşulmaq istəyən gənclər üçün nəzərdə tutulmuş Aİ proqramıdır. Ümumilikdə, Avropa Həmrəylik Korpusu proqramının 2021-2027-ci illər üzrə büdcəsi 1 milyard avro təşkil edir.

Daha çox öyrən

Mətbuat üçün açıqlama




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,