Aİ-nin Sanitariya-epidemioloji Salamatlıq Təşəbbüsü çərçivəsində ilk təlim təşkil olunacaq

Avropa Xəstəliklərə Nəzarət və Profilaktika Mərkəzi (EDCD) Aİ-nin yeni Sanitariya-epidemioloji Salamatlıq Təşəbbüsü çərçivəsində ittifaqa qonşu ölkələrin səhiyyə sahəsində potensialının artırılması məqsədilə təlimlər təşkil olunacaq.

İlk iki təlim yoluxucu xəstəliklərin yaratdığı təhdidləri daha səmərəli şəkildə aradan qaldırmaq məqsədilə tərəfdaş ölkələrdəki mütəxəssislərin potensialının artırılması, epidemioloji vəziyyətə dair məlumatların toplanması və risklərin qısa müddət ərzində qiymətləndirilməsi məsələlərinə həsr olunacaq.

Təlimlər İngilis dilində (19-23 aprel 2021) və Rus dilində (4-10 may 2021) təşkil olunacaq.

Tviterdən əldə olunan məlumatlarla ictimai səhiyyə sahəsində təhdidlərin avtomatlaşdırılmış qaydada erkən aşkarlanmasına kömək etmək üçün interaktiv vasitə olan “epitweetr” üzrə üçüncü təlim 15 iyun 2021-ci il tarixində keçiriləcək.

Avropa İttifaqı tərəfindən maliyyələşdirilən və Avropa Xəstəliklərə Nəzarət və Profilaktika Mərkəzi tərəfindən həyata keçirilən təlim həm də regional əməkdaşlığı gücləndirməyə yönəlib.

Daha çox öyrən

Mətbuat üçün açıqlama